Wednesday, September 27, 2017

புலம் பெயர் நாடுகளில் மக்கள் திருப்தி..

மன்னிக்க முடியாத குற்றச் செயல் செய்து அப்பாவியான வித்யாவை கொன்ற ஏழு பேருக்கு நீதிபதிகள் தூக்குத்தண்டனை விதித்தார்கள்.
விளக்குகள் அணைக்கப்பட்டு சாகும் வரை தண்டனை நிறைவேற்றப்பட வேண்டும் என்றும் தீர்ப்பளித்தார்கள்.

வித்தியாவின் தாயார் தீர்ப்பில் திருப்தி தெரிவித்தாலும் தன் மகள் திரும்பப் போவதில்லை என்றும், கூடவே தனக்கு ஏற்பட்ட துயரம் எந்த ஒரு தாய்க்கும் ஏற்படக்கூடாது என்றார்.

மேலும் அவர் கூறும்போது எதிர் காலத்தில் இதுபோன்ற தவறுகள் நடக்காமல் இருக்கவும் இது ஒரு படிப்பினையாக அமையும் என்றார்.
தீர்ப்பளித்ததும் நீதிமன்றில் மயங்கி விழுந்தார்..

குற்றவாளிகளுக்கு 30 வருட சிறையும் வித்யா குடும்பத்திற்கு ஒவ்வொருவரும் தலா பத்து இலட்சம் தண்டம் வழங்க வேண்டும் என்றும் கூறியுள்ளனர்.

இது குறித்த செய்தி காண்க.. யாழ்.புங்குடுதீவில் கடந்த 2015 மே 13ஆம் திகதி கூட்டுவன்புணர்விற்கு உட்படுத்தப்பட்டு படுகொலை செய்யப்பட்ட நிலையில் சடலமாக மீட்கப்பட்ட “வித்தியா“ படுகொலை வழக்கின் தீர்ப்பு சற்று முன்னர் அறிவிக்கப்பட்டது.

மாணவி சிவலோகநாதன் வித்தியா படுகொலை வழக்கின் முதலாவது மற்றும் ஏழாவது சந்தேகநபர்களை தவிர்ந்த ஏனைய ஏழு எதிரிகளுக்கும் சற்று முன்னர் 30 வருட கடூழிய சிறைதண்டனையும் மரண தண்டனையும் விதிக்கப்பட்டுள்ளது.

யாழ் மேல் நீதிமன்றத்தில் கூடியுள்ள ட்ரயல் அட்பார் விசாரணை மன்றத்தின் மூவரடங்கிய நீதிபதிகளால் இந்த தீர்ப்பு அறிவிக்கப்பட்டுள்ளது.

யாழ்.மேல் நீதிமன்றில் அமைக்கப்பட்டிருந்த தமிழ் மொழி பேசும் மூன்று மேல் நீதிமன்ற நீதிபதிகள் உள்ளடங்கிய ட்ரயல் அட்பார் நீதிமன்றினாலேயே மேற்படி தீர்ப்பானது வழங்கப்பட்டுள்ளது.

2 ஆவது எதிரி பூபாலசிங்கம் ஜெயக்குமார், 3 ஆம் எதிரி பூபாலசிங்கம் தவக்குமார், 4 ஆவது எதிரி மகாலிங்கம் சசிதரன், 5 ஆம் இலக்க எதிரி தில்லை நாதன் சந்திரதாசன், 6 ஆம் இலக்க எதிரி பெரியாம்பி எனப்படும் சிவநேசன் துஷாந்தன், 8 ஆம் எதிரி ஜெயநாதன் கோகிலன், 9 ஆம் எதிரி சுவிஸ்குமார் எனப்படும் மகாலிங்கம் சசிக்குமார் ஆகியோருக்கு இவ்வாறு மரணதண்டனை விதிக்கப்பட்டு தீர்ப்பளிக்கப்பட்டுள்ளது.

சம்பவம் நடைபெற்று இரண்டு வருடங்கள் கடந்துள்ள நிலையில் இந்த வழக்கின் தீர்ப்பு இன்று அறிவிக்கப்பட்டது.
புங்குடுதீவு மாணவி வித்தியா கொலைவழக்கின் இறுதித்திர்ப்பு இன்று யாழ்.நீதிமன்றில் அறிவிக்கப்பட்ட போது வித்தியாவின் தாயார் நீதிமன்றில் மயங்கிவிழுந்துள்ளார்.

இந்நிலையில் நீதிமன்ற தீர்ப்பு அறிவிக்கப்ட்டதன் பின்னர் நீதிமன்றத்திற்கு வெளியில் வந்தா வித்தியாவின் தாயார் ஊடகங்களுக்கு கருத்துத் தெரிவிக்கையில்,

“இன்று நீதி கொடுத்தால் போல என்ட பிள்ளை வரப்போறதில்லை. என்னத்ததான் கொடுத்தாலும் என்ட பிள்ளை வரப்போறதில்லை.
இனி வரப்போற சமுதாயத்திற்கு இது ஒரு பாடமாக இருக்க வேண்டும். எந்த வொரு தாய்க்கும் இந்த நிலைமை வரக்கூடாது. என்னைப்போல் ஒருதாய் இருக்கக் கூடது.

நீதிபதி ஐயா இளஞ்செழியன் உட்பட 3 நீதிபதிகளுக்கும் எமக்கு நம்பிக்கைக்கு பாத்திரமாக செயல்பட்டதற்காக பொலிஸ் அதிகாரி நிசாந்த சில்வாவுக்கும் அவர்களது குழுவினருக்கும் நான் நன்றியை தெரிவிக்கின்றேன்.

கடந்த இரண்டரை வருடங்களாக நான் பட்டபாடும் எனக்காக பாடுபட்ட ஊடகங்களுக்கும் ஏனைய அனைவருக்கும் நன்றியை தெரிவித்துக்கொள்கின்றேன் என்றார்.

மாணவி சிவலோகநாதன் வித்தியா படுகொலை வழக்கின் முதலாவது மற்றும் ஏழாவது சந்தேகநபர்களை தவிர்ந்த ஏனைய ஏழு எதிரிகளுக்கும் மரண தண்டனை இன்று விதிக்கப்பட்டது.

இதன் படி, 7 பேருக்கு மரண தண்டனை விதிக்கப்பட்டுள்ள நிலையில் 30 ஆண்டுகள் ஆயுள் தண்டனையும் விதிக்கப்பட்டுள்ளது.

0 comments :

Post a Comment

 
Toggle Footer