Monday, September 18, 2017

எதிர்வரும் மாகாண சபைத் தேர்தல் தொகுதிவாரி முறையிலேயே நடத்தப்படும் என்று ஜனாதிபதி மைத்திரிபால சிறிசேன தெரிவித்துள்ளார். அத்தோடு, எதிர்காலத்தில் பொதுத் தேர்தல்களும் தொகுதிவாரி அடிப்படையிலேயே நடத்தப்படும் என்றும் அவர் குறிப்பிட்டுள்ளார்.

வடமத்திய மாகாண சபையின் ஸ்ரீலங்கா சுதந்திர கட்சி உறுப்பினர்கள் நேற்றுமுன்தினம் சனிக்கிழமை மாலை ஜனாதிபதி மைத்திரிபால சிறிசேனவை அவரது உத்தியோகபூர்வ இல்லத்தில் சந்தித்து கலந்துரையாடலில் ஈடுபட்டனர்.

இதன்போது கருத்து தெரிவித்த ஜனாதிபதி, “விருப்பு வாக்கு முறைமை காரணமாக அரசியல்வாதிகள் நாட்டை பற்றி சிந்திப்பதை விட தனிப்பட்ட தேர்தல் வெற்றியை பற்றி சிந்திக்கின்றனர். இதன்காரணமாக பொதுமக்களின் எதிர்பார்ப்புகள் ஈடேறாது.

அரசாங்கத்திற்குள் இருக்கும் அரசாங்கத்திற்கு ஆதரவு தெரிவிக்கும் ஒரு தரப்பினர் எதிர்த்தாலும், எனது தலைமையின் அடிப்படையில் விருப்பு வாக்குக்கு பதிலாக தொகுதிவாரி அடிப்படையில் உள்ளுராட்சி சபை தேர்தலை நடத்துவதற்கு நடவடிக்கை எடுக்க வேண்டியுள்ளது. இது நாட்டு மக்கள் பெற்றுக்கொண்ட வெற்றி.” என்றுள்ளார்.

0 comments :

Post a Comment

 
Toggle Footer