Thursday, August 3, 2017

சினிமா படைப்புலகத்தின் இளங்கலைஞர்களுக்கும், புதிய அறிமுகங்களுக்கும், உரிய களம் அமைத்துக் கொடுக்கும், லோகார்னோ சர்வதேச திரைப்பட விழா, இன்று (02.08.2017) ஆரம்பமாகியது. 70வது ஆண்டினை எய்தியிருக்கும் இவ்வருட லோகார்னோ சர்வதேச திரைப்பட விழாவில் இலங்கைப் படைப்புக்கள் பலவும் பங்கேற்கின்றன.

சிங்கள மொழியிலான மூன்று முழு நீளத் திரைப்படங்கள், இரண்டு குறும்படங்கள், தமிழ்மொழியிலான இரு குறும்படங்கள், என்பன இத் திரைப்படவிழாவில் திரையிடப்படுகின்றன. 2016 முதல் 2018 வரையிலான மூன்றாண்டு காலத்தில், தென்கிழ்க்காசிய நாடுகளைச் சேர்ந்த சினிமாப் படைப்புக்களை, Open Doors எனும் பகுதியினனூடு காட்சிப்படுத்தக் களம் அமைத்திருக்கிறது இத் திரைப்படவிழா. இப் பகுதியினூடு இம்முறை ஆப்கானிஸ்தான், பாகிஸ்தான், இலங்கை படங்கள் காட்சிப்படுத்தப்படுகின்றன.

தமிழ்மொழியிலான குறும்படங்களில் ஒன்று இலங்கையின் முக்கிய இளம் இயக்குனர் இளங்கோ ராம் அவர்களின் " மௌன விழித்துளிகள் ". ஏலவே பல்வேறு திரைப்பட விழாக்களில் பங்கு கொண்ட இக்குறும்படம் விருதுகளையும் கவனிப்பினையும் பெற்றுக் கொண்ட படம் என்பது குறிப்பிடத்தக்கது. விளம்பரத்துறையிலிருந்து திரைப்படவிழாக்கள் நோக்கி இளங்கோ ராம் தனது படைப்பாளுமையை கவனப்படுத்தியிருப்பது, எதிர்காலத்தில் இலங்கைத் தமிழ் திரைப்படங்கள், உலகத் திரைப்பட விழா அரங்குகளை அலங்கரிக்கும் என எதிர்பார்க்கலாம். இவ் விழாவில் கலந்து கொள்ளும் மற்றைய தமிழ்க் குறும் படம், இயக்குனர் பிரதீபன் ரவீந்திரனின் Shadows of Silence.

பங்கேற்கும் சிங்களத் திரைப்படங்கள் :
- 28 - Director: Prasanna Jayakody
- Davena vihagun - Director: Sanjeewa Pushpakumara
- Sulanga Enu Pinisa - Director: Vimukthi Jayasundara

சிங்கள குறும் படங்கள் :
- Katada Ayiti - Director: Suranga Deshapriya Katugampala
- Mata nam ahuna - Director: Nadya Perera

0 comments :

Post a Comment

 
Toggle Footer