Tuesday, March 28, 2017

அனைவரும் விரும்பி சாப்பிடக் கூடிய கொய்யா பழத்தில் விட்டமின் B, C, கால்சியம், பாஸ்பரஸ், இரும்புச்சத்து இது போன்ற தாது உப்புக்கள் அதிகளவில் நிறைந்துள்ளது.

எனவே தினமும் ஒரு கொய்யாப்பழத்தை சாப்பிட்டு வந்தால், ஏராளமான மருத்துவ நன்மைகளை பெறலாம்.

தினமும் ஒரு கொய்யாப்பழம் சாப்பிடுவதால் கிடைக்கும் நன்மைகள்

தினமும் ஒரு கொய்யாப்பழத்தைச் சாப்பிட்டு வந்தால், உடல் சூடு தணிந்து குளிர்ச்சியாகும். அதுவே இரண்டு கொய்யாப் பழங்களைச் சாப்பிட்டு வந்தால் மலச்சிக்கல் பிரச்சனை வராது.

கொய்யா பழத்தை நறுக்கி சாப்பிடுவதை விட அப்படியே சாப்பிடுவதால் பற்கள், ஈறுகள் வலுவடையும். மேலும் கொய்யாவின் தோலில் அதிக சத்துகள் உள்ளதால், தோல் நீக்காமல் சாப்பிடுவது நல்லது.

கொய்யாப்பழம் முகத்திற்கு பொலிவை தருவதுடன், தோல் வறட்சி மற்றும் தோல் சுருக்கத்தை தடுத்து, முகத்திற்கு என்றும் இளமைத் தோற்றத்தைத் தருகிறது.

கொய்யாப்பழத்தை சாப்பிடுவதால், இது ரத்தத்தில் உள்ள சர்க்கரையின் அளவைக் கட்டுப்படுத்தும் தன்மை கொண்டது. எனவே இது நீரிழிவு நோய் மற்றும் மூலநோய் பிரச்சனைகளுக்கு நல்ல தீர்வாக உள்ளது.

தினமும் ஒரு கொய்யா பழத்தை சாப்பிடுவது, உடலில் நோய் எதிர்ப்பு சக்தியை அதிகரித்து, வயிறு, குடல், இரைப்பை, கல்லீரல் மற்றும் மண்ணீரல் போன்றவை ஆரோக்கியத்தை மேம்படுத்தி, செரிமானப் பிரச்சனைகள் வராமல் தடுக்கிறது.

0 comments :

Post a Comment

 
Toggle Footer