Friday, August 26, 2016

ஜனாதிபதி மைத்திரிபால சிறிசேன, விவசாய அமைச்சராக இருந்த போது (2009ஆம் ஆண்டு காலப்பகுதியில்) அவரது அமைச்சக செயலர் ஒருவரினால் அவுஸ்திரேலிய நிறுவனம் ஒன்றுக்கு இலஞ்சம் வழங்கப்பட்டதாக தெரிவிக்கப்படும் குற்றச்சாட்டுத் தொடர்பில் தனக்கு எதுவும் தெரியாது என்று ஜனாதிபதி தெரிவித்துள்ளார். 

அவுஸ்திரேலியாவின் சிட்னி மோர்னிங்க் ஹெரால்ட் (Sydney Morning Herald) என்கிற செய்தி இணையத்தளமே மைத்திரிபால சிறிசேன விவசாய அமைச்சராக இருந்த போது குறித்த சம்பவம் இடம்பெற்றதாக செய்தி வெளியிட்டிருந்தது.

இந்தநிலையில் அந்த விடயத்தில் எந்தவொரு தொடர்போ பங்களிப்போ தனக்கு இல்லை என மைத்திரிபால சிறிசேன தெரிவித்துள்ளதாக, ஜனாதிபதி ஊடகப் பிரிவு வெளியிட்டுள்ள அறிக்கையில் கூறப்பட்டுள்ளது.

அத்துடன், இந்த விடயம் தொடர்பில் மேலதிக நடவடிக்கைகளை மேற்கொள்வது குறித்து ஜனாதிபதியால் சட்டமா அதிபரின் ஆலோசனை பெறப்பட்டுள்ளதாவும் அதில் குறிப்பிடப்பட்டுள்ளது.

0 comments :

Post a Comment

 
Toggle Footer