Friday, April 29, 2016

பிரியங்காவை நடுவுல வச்சுகிட்டு பீர்க்கங்காய் யாவராமா பார்க்க முடியும்? அண்மையில் நடந்த சாரல் படத்தின் பாடல் வெளியீட்டு விழாவில் ஹீரோயின் பிரியங்காவை பிஸ்கோத்து ஆக்கி விளையாடினார்கள் விஜய் சேதுபதியும் விவேக்கும். “பார்க்க லட்சணமா இருக்கார். நல்லா தமிழ் பேசுறார். நல்ல பெரிய படங்களில் நடிக்கிற வாய்ப்பு கிடைத்தால் அவர் நல்ல இடத்தை பிடிப்பார்” என்றார் விஜய் சேதுபதி.

பின்னாலேயே மைக்கை பிடித்த விவேக், “அந்த வாய்ப்பை விஜய் சேதுபதியே கொடுக்கட்டுமே? கொடுத்தால் நாளைக்கே அவர் பெரிய ஹீரோயினாகிட்டு போறார்” என்று கூற, வெட்கத்தில் முகம் சிவந்தார் பிரியங்கா. நிகழ்ச்சி முடிந்து கிளம்பும்போது, மைண்ட்ல இருக்கீங்க, நான் பார்த்துக்குறேன் என்று கூறிவிட்டுதான் கிளம்பினாராம் விஜய் சேதுபதி. கங்காரு, கோடைமழை, போன்ற படங்களில் நடித்து ஏற்கனவே நல்ல பெயர் வாங்கிய பிரியங்காவுக்கு இப்படி அதிர்ஷ்டம் அறுபது கிலோ மீட்டர் வேகத்தில் வரும் என்று அவரே நினைத்திருக்கப் போவதில்லை. (குழந்தையை ஏமாத்திறாதீங்க புண்ணியவானுங்களா)

0 comments :

Post a Comment

 
Toggle Footer