Thursday, October 30, 2014

சொத்து குவிப்பு வழக்கில் ஜெயலலிதாவை சிறைக்கு அனுப்பிய சுப்பிரமணிய சாமி, அவருக்கு அரசியல் ரீதியாகவும் நீதிமன்றம் மூலமாகவும் பல்வேறு முட்டுக்கட்டைகளை போட்டு முன்னேறியுள்ளார்.

சொத்து குவிப்பு வழக்கில் ஜெயலலிதாவுக்கு தீர்ப்பு வருவதற்கு முன்னர், அவர் முதல்வராக இருந்தபோது சாமி மீது தமிழக அரசு சார்பில் 5 அவதூறு வழக்கு போடப்பட்டது.

மீனவர்கள் விவகாரம் மற்றும் இலங்கையில் சிறை பிடிக்கப்பட்ட படகுகள் சசிக்கு சொந்தமானது என்ற கருத்தை வெளியிட்டமைக்கும் சுப்பிரமணிய சாமியின் மீது ஜெயலலிதா வழக்கு தொடர்ந்திருந்தார்.

ஆனால் இதனை எதிர்த்த சாமி கூறியதாவது, அரசியலமைப்பு சட்டத்தின்படி இந்த வழக்கு தகுதி இல்லாதது என்றும் அடிப்படை பேச்சுரிமைக்கும், கருத்துரிமைக்கும் பங்கம் ஏற்படும் விதமாக காரணமற்ற வகையில் இந்த வழக்கு உள்நோக்கத்துடன் தொடரப்பட்டுள்ளது எனவும் கூறி உயர்நீதிமன்றத்தில் மனு தாக்கல் செய்திருந்தார்.

இந்த மனுவை விசாரித்த நீதிபதிகள், சாமியின் வாதுரையை கேட்டு, ஜெயலலிதாவின் தரப்பில் தொடரப்பட்ட 5 அவதூறு வழக்கிற்கும் தடை விதித்தனர்.

மேலும் விளக்கம் கேட்டு தமிழக அரசுக்கும், மத்திய அரசுக்கும், நோட்டீஸ் அனுப்ப நீதிபதிகள் உத்தரவிட்டனர்.

0 comments :

Post a Comment

 
Toggle Footer